Жаңалықтар

«Бейбітшілік пен адам құқығын қамтамасыз етудегі бітімгершілік күштердің рөлі: БҰҰ Жарғысының 70 - жылдығы» тақырыбында дөңгелек үстел

БҰҰ бітімгершілік контингентінің түйткілді мәселелері, адам құқықтары мен қауіпсіздігін қамтамасыз етуде БҰҰ-ның Академиялық ықпал ету секілді ұйымдарының рөлі, орнықты дамуға Әл-Фараби атындағы ҚазҰУ жанындағы ЮНАИ-дың қосқан үлесі, Орталық және Оңтүстік Азиядағы адам құқықтарын қорғау мен бейбітшілікті нығайтуда Жаңа Жібек жолы іспетті БҰҰ-ның заманауи моделі саналатын жастар құрылымдарының іс-әрекеті, т.б. мәселелер дөнгелек үстелдің күн тәртібінде қарастырылды.



Қазақстанның жоғарғы оқу орындарының ғалымдары мен ҚР Қорғаныс министрлігінің «Бейбітшілік жолындағы серіктестік» оқу орталығының өкілдері өңірлік қауіпсіздік мәселелерін саралап, Қазақстанның БҰҰ Қауіпсіздік Кеңесінің тұрақты емес мүшесі ретінде БҰҰ қызметін қолдаудағы маңызды рөлін атап өтті.
Талқылауда Алматыдағы шетелдік консулдықтардың өкілдері, Қазақстанның жоғары оқу орындарының жас ғалымдары, магистранттары мен докторанттары қатысып, БҰҰ-ның бітімгершілік қызметінің адам құқықтарын қорғаудағы тенденциялары мен жетістіктерін талқылады, сондай-ақ, адам құқықтарын қорғаудың өзекті мәселелеріне қолдау білдірді.



2018-01-05 18:00